طريقة اللبن الرايب في المنزل

من طرف **هيام هانم** السبت يناير 15, 2011 8:56 am

اللبن الرايب
Buttermilk OR Cultured Milk

1 كوب لبن رايب فريش جدا يعنى تكونى فاتحة العلبة
مش كتير

3 كوب لبن حليب

الطريقة
نخلط المكونين مع بعض كويس جدا
ويوضع فى مكان دافئ مدة
لا تقل عن 24 ساعة

هتلاقيه فصل شوية لبن وعليهم مية
ما تقلقيش خاااااالص هو بيكون كده
رجيهم على بعض وإستخدميه
بديل لللبن الرايب فى أى وصفة

ملحوظة : اللبن ده بيدى نتيجة هااايلة فى
الطبخ
لكن ما ينفعش يتشرب كده زى اللى بنجيبه من
السوبر ماركت
مش بيكون فيه الطعم اللاذع والحامض بتاع الجاهز فيه
ناس بتضيف عليه
نقطتين ليمون لكن تجربتى بتقول برضه طعمه مش
زى الجاهز
يعنى أنا أستخدمه بديل فى الطبيخ والمعجنات
وكده
لكن أما أحب أشرب وأتمزج من اللبن الرايب
بصراااااحة شديدة أجيب الجاهز

الصورة دى بعد يوم الدنيا عندنا هنا ساقعة جدا
فمعملش التخمر المناسب
بالتالى سيبته حوالى يومين

[ندعوك للتسجيل في المنتدى أو التعريف بنفسك لمعاينة هذه الصورة]

هنا بعد يومين تلاقيه بيعمل طبقه على الكوباية
كده

[ندعوك للتسجيل في المنتدى أو التعريف بنفسك لمعاينة هذه الصورة]

أتمنى يكون مفهوم قصدى إيه

طريقـــة أخرى
صعبة

الطريقة دى ما جربتهاش مشكلتها معايا دلوقتى
إنها محتاجة جو حااار يعنى هنا
ممكن أقعد جنبها إسبوعين وما تتعملش كويس [ندعوك للتسجيل في المنتدى أو التعريف بنفسك لمعاينة هذه الصورة]

ممكن أبقى أجربها فى الصيف

الطريقة دى من الأول خااالص يعنى مش محتاجة
بادئ
starter

كل الحكاية تجيبى كباية لبن وتغطيها كويس
وتسيبيها كام يوم
لحاااااد ما تتخثر كويس قوى ولازم اللبن يكون
فريش

ضيفى على الخليط السابق 4 أكواب لبن فريش تانى
وإخلطى كويس وسيبيهم كام يوم

وهكذا لغااااية لما اللبن يوصل التخمر بتاعه للمستوى
المطلوب
من حيث الكثافة والطعم

[size=21]طــريقة سهلــة خااااالص

[size=16]طريقة كمان فى 5 دقايق بس وبتدى
نتيجة هااايلة
بالذات فى المخبوزات

1 معلقة عصير ليمون أو خل أبيض
1 كوب لبن

يمتزجوا مع بعض وسيبيهم 5 دقايق فقط
وإستخدميه بديل سريع للبن الرايب[/size][/size]