وجبة رئيسية وسهلة وموفرة ولذيذذذذذذذذذذذذذذة

انا حابة اقدملكم اكلة تعتبر وجبر اساسية مش محتاجة حاجة جنبها غير شوية سلطة طحينة وسلطة خضار وفى نفس الوقت سهلة جدا فى عمايلها ما تخدش عشر دقايق تحضير
والجمل بقة انها موفرة انا جوزى بيحب الاكلة دى جدا وبياكل ما شاء الله فيها كويس بتتاكل بالعيش
نبتدى بسم الله
اتفقنا وقت التحضير عشر دقايق
حضرى كل المكونات والوجبة دى تكفى اربع افراد وممكن تضاعفى الكميات
- ربع كيلو مفروم
- 2 بصلة وسط
- 2 بطاطس مش كبيرة اوى اقرب للوسط
- طرانشات فلفل اخضر
- بيضة كبيرة او 2 بيض بلدى صغير
- 2 طماطم وسط
- بهاراتك بقة وكل اللى تحبى تضيفيه ( فلفل اسود – شطة جنزبيل – قرفة – قرنفل – جوزة الطيب.................) انتى والنكهات اللى تحبيها

نبدا بقة نجيب طبق غويط ونحط فيه المفروم وعليه البصل مبشور والبطاطس مبشورة والطماطم مبشورة وعليه البيض وبهاراتك بقة والملح طبعا والبيكنج بودر
واعجنى كله فى بعضه وهاتى صنية وسط وادهنيها كويس وحطى الخليط وساويه وضيفى عالوش طرانشت الفلفل واضغطيه فى قلب الخايط عشان ياخد النكهة

ملحوظة اى اكلة فيها لحمة لو ملحها زاد ولو حاجة بسيطة بيبوظ طعمها خالص خدو بالكم [ندعوك للتسجيل في المنتدى أو التعريف بنفسك لمعاينة هذا الرابط]
وفى الاخر قلولى ايه رايكم [ندعوك للتسجيل في المنتدى أو التعريف بنفسك لمعاينة هذا الرابط]