الاستعداد لرمضان فيه صور

من طرف **هيومه** الخميس أغسطس 18, 2011 10:23 pm

السلام عليكم ورحمة الله وبركاته

كل عام وانتم بخير بمناسبة الشهر الكريم

ايام قليلة وتعد ساعات قليلة لمجئ الضيف الكريم شهر تفتح فيه ابواب الجنة
وتغلق فيه ابواب النار وتسلسل فيه الشياطين هو شهر رمضان الكريم

طبعا
احنا خلصنا تنفيض الشهر اللي قبل رمضان واللي لسه ما خلصتشي تخلص واللي
لسه ما ابتدش اصلا باقولها وبكل نرفزة اومال كل ده بتعملي
اييييييييييييييه
عاوزين نعمل ايام راحة قبل رمضان بيومين يعني مانفضلش ننفض ونهد حيلنا حتى يوم الرؤية

عاوزين نجهز للصلاة وخصوصا صلاة التراويح وخصوصا للي بتنزل
تصلي في المسجد ربنا يتقبل منها ومنا صالح الاعمال طب نجهز للصلاة يعني
نعمل ايه؟؟؟؟؟؟؟
يعني نجهز اسدال صلاة وياحبذا لو جديد ويكون قطن كده عشان الحر ويكون شيك

[ندعوك للتسجيل في المنتدى أو التعريف بنفسك لمعاينة هذا الرابط]

نجهز ازازة شاور ويكون ريحته حلوة عشان قبل الصلاة تاخدي شاور كده محترم تطري بيه على قلبك وجسمك

[ندعوك للتسجيل في المنتدى أو التعريف بنفسك لمعاينة هذا الرابط]

حضري شراب جديد اسود

طرحة جديدة

وطبعا كل واحدة وامكانياته في الشراء وربنا يوسع ارزاقكم يارب

طبعا باسألأكم وبسأل نفسي نفس السؤال قبلكم:

ليه شغل البيت ده؟

ليه التحضيرات والتجهيزات دي؟

هل عشان نتفرغ للعبادة والطاعة ولا عشان نتفرغ للافلام والمسلسلات
والبرامج التافهه ولا عشان نستمتع بعروض التليفون ونفضل نرغي باقل سعر طوال
اليوم ولا عشان نقعد ع النت ولا ولا ولا؟ عاوزين نكون صرحة مع نفسنا ومع
الله عز وجل

هل احنا تعبنا عشان نجمع حسنات ولا عشان نجمع سيئات؟

كلنا عارفين ان الشهر ده تضاعف فيه اللحسنات والسيئة بالسيئة؟

ولازم نحط في اعتبارنا ان ده شهر الرحمة والمغفرة

عارفين ان السلف الصالح كانوا يفضلوا يدعوا طوال ال6 اشهر ان ربنا يبلغهم
رمضان وال6 اشهر الباقيين ان ربنا يتقبل منهم اعمالهم في رمضان (شوفتوا
اد ايه الشهر دا غالي)

(وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ) (آل عمران:133) ...

طيب الايام الباقية دي ننصح بعض بايه ولا نعمل ايه

كلنا نفسنا نصوم ونعبد ربنا في رمضان ونبعد عن المعاصي بس يوم وبنرجع
تاني نتابع حلقات رمضان من تاني يوم وبيفوتنا الحلقات الاولى وفي ناس
بتشوفها في الاعادة

طبعا لازم نستحضر النية ولازم نكون متمرنين ع الطاعة عشان ما يحصلش زي ما بيحصل اول يوم ومات الكلام وانتحر الحوار

نتمرن بالنية الصالحة نقعد مع نفسنا نمرن انفسنا ع النية الصالحة

نية التوبة .....التوبة من المعاصي والذنوب

نية قراءة القرآن

نية الصيام

نية بر الوالدين

نية صلة الرحم

نية الصدقة

نية الاحسان بالزوج وطاعته (واتك فيها شوية عشان كلنا بصراحة...............)

نية زكاة الفطر

نية الاحسان للجار

كل الكلام دا جميل واشطة

طب استحضر النية دي ازااااااااااااااااااااااااااااااااااااااااااااااي:

*يا اما نقعد مع اخوات صالحات يذكرونا بالطاعة الدائمة وبلاش جارتك اللي
تفضل تحكيلك المسلسل حلقة بحلقته ولا تحكيلك على جارتكم اللي فوق اللي لما
جوزها طالعلها شايل ومحمل كل يوم ولا ولا وال ولو مافيش حواليكي اخت
صالحة تعينك ع الطاعة عندكم التلافزيون اسمعوا درس اسلامي او شاهدوا قناة
اسلامية والقنوات الاسلامية الجميلة اللي بتدخل قلوبنا بالهبل وبرامجها
كلها احلى من بعضها

*نداوم على الصلاوة الخمسة وخصوصا صلاة الفجر

*قراءة القرآن

*المواظبة على السنن

*الذكر والتسبيح والدعء لنفسك ولبيتك ولاسرتك واموات المسلمين ومرضى
المسلمين ولا ننسى بالدعاء لزوج ياقوة حرة وكمان الدعاء لاختنا هايدودي
وباقي اخواتنا وحبايبنا هنا بالجروب

كلها طاعات والله سهلة وبيها ربنا بيبارك في الوقت وهي يا اما عبادة باللسان او بالجوارح وفي هذا فليتنافس المتنافسون

احنا في شهر رمضان كسبانين كسبانين اوعي تخرجي م الشهر مفلسة دا شهر واحد في السنة اوله مغفره واوسطه رحمه واخره عتق من النار

عارفين معنى عتق من النار؟؟؟؟؟؟؟؟؟؟ دا الواحدة فينا بتتلسع م البوتجاز تفضل تولول يارب اعتقنا وارحمنا من النار

كمان عاوزين نعين بعض في الطاعة

احنا ماشاء الله كلنا هنا بنحب بعض في الله ولله

لا بيجمعنا مال ولا قرابة ولا جيره ولا غيره لكن بيجمعنا حاجة اهم اسلامناااااااااااا

صحبتي وحبيبتي هي اللي تاخد بايدي للجنة وتعني ع الطاعة

الطاعة هي الجنة والمعصية اعوذ بالله النار

اللهم اجمعنا على الطاعة

وبسم الله انا شايفة فيكم كلكم الخير والالتزام ودا اللي شجعني على الكلام

واعترف اني اقلكم في الطاعات والالتزام واملي في الله ثم فيكم انكم تاخدوا بايدي الى الجنة

عاوزة بقى في نهاية كلامي اعرف ايه جدولكم في رمضان يعني طول اليوم بتعملي ايه

عشان نتعلم من بعض ومش عاوزين لحظة للشيطان

ياريت ينفع اعرف اعمل مسابقة بس المسابقة دي هحتاج اني اشوف قلوبكم وماينفعش اطلع على قلوبكم غير ربنا عز وجل

ودي تحضيرات

لرمضان في الجزء السابق

دا التين المجفف

[ندعوك للتسجيل في المنتدى أو التعريف بنفسك لمعاينة هذا الرابط]

ودا ازبيب

[ندعوك للتسجيل في المنتدى أو التعريف بنفسك لمعاينة هذا الرابط]

ودي المشمشيةوالارصيا

[ندعوك للتسجيل في المنتدى أو التعريف بنفسك لمعاينة هذا الرابط]
داجوز مبشور

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]
نيجي بقى للفشايق بتاعة العصاير

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

ودي برضو ازايز للعصاير

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]
ودي برطمانات للبهارات ماما جابتها جديدة لانها لاقت ان عندها عجز في البرطمانات لما اشترت بهارات جديدة

[ندعوك للتسجيل في المنتدى أو التعريف بنفسك لمعاينة هذا الرابط]
ودا التمر كسرته بمدقة التوم وعبته في البرطمان الكبير ده

[ندعوك للتسجيل في المنتدى أو التعريف بنفسك لمعاينة هذا الرابط]

نرجع لموضوعنا
وهو تجهيز الاكل وطبعا احنا شفنا حاجات كتير وطرق كتير في المنتدي بس كل
واحده بتختار المناسب ليها واللي مجرباه قبل كدة والبساطة مطلوبة في كل شئ
وبلاش تجربي اكلات جديدة في رمضان علشان نتبقيش متلخبطة وبلاش كذا صنف
خلي يومك في رمضان زي اي يوم يكون الزيادة بس العصائر وطبعا كتري من
العصاير علشان الحر وقللي في الاكل ومينفعش نكون صايمين و طول اليوم صلاة
وقرأة قرأن وذكر وبالليل نرمي نعمة الله وفيه ناس مش لاقية تاكل والله
بذكر نفسي قبل ما اذكركم ياريت كلنا نتفق ان احنا منرميش اكل بعد النهارده
علشان كده بقول نعمل الاكل علي قدنا ولو فاض ومش بتكلي اكل بايت ابعتيه
لحد ينتفع بيه لان والله هنتحاسب علي الاكل اللي بنرميه ده

اول حاجة علشان تجهزي اكلك تكتبي قايمة بالاكلات اللي انتي هتعمليها طول
رمضان ولو معندكيش ديب فريزر اعملي لنفسك قايمة برده تبقي عارف ده برده
هيسهل عليكي
او ممكن تعملي اكل لاسبوع مثلا وزي ما قلت كل واحدة تعمل اللي يناسبها المهم انا هقول طرقتي وكل واحدة تاخد اللي يفيدها
بعد ما كتبنا القايمه نبدأ نكتب احنا محتاجين ايه وتقسميها بنود
بند اللحوم ..... هنبقي مثلا محتاجين مفروم اد كده ولحمة للسليق اد كده
والبطة والفراخ البلدي للسليق وفراخ للتقطيه والتتبيل وصدور فراخ وهكذا كله
تبع القايمة اللي انتي كتباها
بند النواشف ....يعني زيت وسكر وشاي وأرز ومكرونه طحينة جلاش سمبوسك ...الخ
بند الخضار .... وبلاش نجيب كتير يعني هاتي علي قد الاكلات اللي انتي كتباها في القايمة والطماطم وطبعا دي كلنا خزناها
ومننساش بند المنظفات ...
خلاص كتبتي احتياجاتك طبعا تلاجتك نظيفة والديب فريزر برده متظبط ومتشال
منه الحاجات اللي ملهاش لازمة واللي قدمت ودرفة المنظفات نضيفة ودرفة
الخزين اللي هي مثلا زيت سكر رز
تبدائي تشتري حاجاتك علي ايام ده طبعا مع شغل البيت والتنفيض اليومي وبالليل تنزلي علشان متضيعيش وقتك بالنهار
يوم للسوبر ماركت والنواشف كلها واللي عندها تموين خير وبركه يوم للتموين وترجعي علي طول تنظمي حاجتك
يوم للحوم تجيبي اللحمة المفرومة تعصجيها وتسبيها تبرد وتخزنيها في الفريزر
ومش هوصيكم علي طريقة تكييس الاكل بلاش الكياس المكلكعة علشان متخدش مكان كبير في الفريزر
ولحمة السليق هتقسميها وتعنيها دي مش محتاجة ان احنا نسويها قبلها علشان طعمها بيغير
اللحمة الشرائح كل واحدة تعمل اللي مناسبها انا مثلاعملتها بفتيك تبلتها
وعملتها بالبيض والبقسماط وحطيت كيس بين كل قطعة والتانية ولفتهم مفرودين
في كيس وخزنتها
وممكن في اطباق فويل بس انا استعملت اكياس بس علشان الاطباق بتاخد مكان بس عملتهم احلي من الاطباق الفويل
وعملت طريقة تانيه للحمة الشرائح تبلتها وعنتها متبلة كل قطعة مفرودة وبين كل واحده برده كيس وعلي الفريزر
ده كان بند اللحوم لسه الدواجن
نيجي بقي للفراخ البلدي دي بغسلها كويس جدا جدا بالملح والليمون والدقيق واعيد عليها مرة واتنين واصفيها كويس واكيسها وعلي الفريزر
بنطلعها تفك وتطبخيها بطرقتك عادي من غسيل لان مخزناها زي الفل كانك هتطبخيها وقتها واهم حاجة تصفيها كويس جدا
اما الفراخ البيضاء او الكبيرة البلدي دي بقطعها كل ربع اتنين ده بعد ما
اكون سلختها وغسلها كويس ونصفيها كويس وتبدائي تعملي التتبيلة بتاعتك
في كذا طريقة مثلا بتبشري بصلتين وتبشري طماطماية وتقطعي قرنين فلفل اخضر
قطع صغيرة كانك بشرتيها واتنين فص توم مدقوق واتنين ليمونه ولح وبهار لحمة
وفلفل
والبهارات اللي بتحبي تحطيها وتدعكي التتبيلة مع بعض وتبدائي تتبلي بيها
الفراخ كويس جدا وتعنيها ولما تطلعيها تحطي عليها معلقتين زيت او معلقة
سمنة حسب ما بتطبخي
وزبدية لو موجود دي ببتخلي فصها ناعم وممكن نسويها علي البوتجاز مع كوبيتين
مايه او ممكن في الفرن بالزبدية وبس بس انا بضل عي النار وبعدين ادخلها
الشواية

اما بقي صدور الفراخ دي بعملها يوم كبسة بقطعها قطع صغيرة واغسلها كويس واصفيها واخزنها علي الطبيخ
وكذلك الشاورمة والفاهيتا كله بتقطع ويتغسل كويس ويطلع من الفريزر علي الطبيخ
لكن البانية بقطعها شرائح رقيقة واغسلها كويس واصفيها و اتبلها واعملها
بالبيض والبقسماط واخزنها بنفس طريقة اللحمة الشرائح وتطلع تفك وتتحمر علي
طول
وفيه الفراخ الكمنانا دي برده صدور فراخ مخليه وبنقطعها شرائح رقيقة
ونتبلها بالملح والفلفل الاسود وبهار اللحمة وليمون وتفرد كل شريحة وتوضع
عليها قطعة جبة شيدر وعليه سوسيس مفروم مع الفلفل الاخضر ونلفها رول
ونقفلها بالخلة ونعملها بالبيض والبقسماط وتلف كل قطعة بكيس وتوضع في
الفريزر ونطلعها تفك وبعدين نحمرها

اما الاسماك انا بفضلها طازة اليوم بيومة ما عدا الجمبري بيتخزن متقشر
والسمبوسك ممكن نحشيها لحمة مفرومة او حبنة وندهنها زيت ونخزنها في الفريزر علي التحمير
اما الثوم والبصل بصراحة مش بحب اخزنهم وجربت طرق كتير مفيش افضل من الطازة
وحمصت لسان العصفور والشعرية حمصتهم علي النار من غير زيت مع التقليب
المستمر بيطلع كله لون واحد افضل من تحميص الفرن وحمصتهم في صنية كبيرة
وحطيتهم في برطمانات
شفافة ورصتهم علي دولاب المطبخ
وحمصت البندق واللوز علشان الكبسة وحطتهم في برطمانات والمهلبية لما بيبقي علي المهلبية مكسرات متحمصة بتبقي احلي بكتير
اما العصائر عملت عصير كركديه علي تمر هندي بس مش مركز عملته علي الشرب في اكياس كل كيس لتر عملت لعشر ايام وفي رمضان اعمل تاني زيهم
وعملت عصير القمر الدين برضه وحطيته في اكياس كل كيس لتر وخمس اكياس مانجو وخمسة جوافة وخمسة عصير دوم
وكل يوم اطلع صنفين اوثلاثة مع التمر باللبن ده اساسي عندنا يوميا
وقطعت القرصية والمشمشية والتين و التمر كله يبقي جاهز علي العصير