ازاي تفتحي منطقة الابط بابسط طريقة مجربة طبعا وبالصور

من طرف **هيام هانم** الأربعاء نوفمبر 10, 2010 2:58 pm

هاتي دول وتعالي ورايا
1- ملح الحليب او اي ملح من عائلته الكريمة متوفر عندك يعني ملح الشاي الاخضر او التمر هندي
بس انا افضل ملح الحليب بس لو مش عندك مش مهم استعملي اللي عندك ومش ضروري كل شوية زن علي جوزك عاوزة عاوزة عاوزة والا الراجل هيعمل كده[ندعوك للتسجيل في المنتدى أو التعريف بنفسك لمعاينة هذا الرابط]
وديه صورة ملح الحليب

[ندعوك للتسجيل في المنتدى أو التعريف بنفسك لمعاينة هذا الرابط]

2- شاور جل ديتول او صابونة ديتول او لايف بوي او بروتكس او سيف جارد اي حاجة ضد البكتريا من العائلة الكريمة ديه علي حسب المتوفر

[ندعوك للتسجيل في المنتدى أو التعريف بنفسك لمعاينة هذا الرابط]

3- الليمون الليمون الليمون وطبعا ده موجود في البيت عمال علي بطال

[ندعوك للتسجيل في المنتدى أو التعريف بنفسك لمعاينة هذا الرابط]

هاه جهزتيهم شفتي وصفة سهلة وصفة هايلة ازاي تعالي اقولك

اولا ملح الحليب لو بشرتك حساسة هاتي منه مقدار معلقة كبيرة واخلطيه مع زيت زيتون مقدار نصف معلقة او زيت لوز بنفس المقدار نصف معلقة برضه ولو تقدري تخلطيه بالاتنين بس يبقي ربع معلقة من الزيت ده وربع من الزيت ده ماشي مفيش مشكلة(هنزل باذن الله تعالي طريقة حلوة للاستعمال الملح ده بس اشوف التشجيع)

ولو بشرتك عادية وانتي متعودة تستعمليه مباشرة من غير ما تخلطيه بحاجة مفيش مشكلة اللي قبلينا قالوا ابنك علي ما تربيه وجسمك علي ما تعوديه

ولو اول مرة تستعمليه ومش عارفة هيعمل ايه معاكي لسه ملح الحليب ده يبقي اخلطيه

بس انا بفضل انه يخلط بالزيت عشان يطري وينعم وتبقي اخدتي فايدة الزيت والملح كمان في خطوة واحدة وكمان مش يعمل حساسية او يقع منك ويتفرفت في ارض البانيو والكيس يرجع يخلص بسرعة ونقول تاني عاوزة اشتري يا ابو العيال يقوم يعمل كده اهه[ندعوك للتسجيل في المنتدى أو التعريف بنفسك لمعاينة هذا الرابط]

ثانيا: وانتي بتاخدي الشاور بتاعك او داخلة تغسلي او تتوضي عادي وبشرتك في منطقة الابط مبلولة ميه عادية من غير اي صابون او شاور لسه افركي الخلطة اللي هي الملح والزيت كويس جدا جدا جدا بشكل دائري والفرك اما بايدك او بجوانتي التلييف انتي وعلي حسب جسمك ما بيستحمل (واوعي تنسي اللي قبلينا قالوا ايه ابنك علي ايه وجسمك علي ايه) وانتي ادري بنفسك افركي قوي قوي وانتي شغالة قولي انا انثي لازم يامنطقة ياسودا انتي تتفتحي والا هفتح دماغك[ندعوك للتسجيل في المنتدى أو التعريف بنفسك لمعاينة هذا الرابط]وبس بطلي بقي فرك

ثالثا: اشطفي بالميه لحد ما تخلصي كل الاثار بتاعتة الملح وبعدين هاتي الشاور او الصابونة بتاعتة الديتول او السيف جارد او لايف بوي اي حاجة ضد البكتريا ورغي كويس المنطقة تحت الابط لحد ما الريحة تملي الحمام واشطفي بالميه كويس لحد ما الرغوة تقولك مع السلامة

رابعا:نشفي بعد اخر شطفة كويس جدا واخرجي اكسري الليمونة واعملي بيها تحت الابطين وافركي حلو قوي لحد مايحرقك وتتنططي زي عمو ده [ندعوك للتسجيل في المنتدى أو التعريف بنفسك لمعاينة هذا الرابط] كده تبقي اشتغلت وما تشطفيهاش بقي بعد ما عملتي بالليمون
ملااااحظة هامةجدا: الليمون قد يسبب حرق للمنطقه لذلك كوني حريصه ولا تتركيه من اول مرة اشطفيه و زودي المدة تدريجيا كل يوم حتى تطمئني تماما انه لن يسبب حرق ولا تخرجي به بدون شطف جيد للمنطقه

خامسا:البسي حاجة قطنية واتحركي وعيشي حياتك عادي وكرري الموضوع ده يوميا وكل يوم لاحظي فرق اللون هتلاقي فرق اللون ملحوظ باذن الله يوم بعد يوم بالخطوات البسيطة ديه مع الاستمرار واهم حاجة الاستمرار الاستمرار

سادسا:نصائح عامة

استعملي مزيل العرق اما خلطة المسك والشبة وبودرة الجسم المعطرة وديه انا قريت انها احتمال تبقي مش كويسة للجسم والغدد والله اعلم بس اكيد هي احسن من الكيماويات اللي بنستعملها في مزيلات العرق

ولو انتي في البيت وعملتي الخلطة اللي فوق ديه مش محتاجة مزيل عرق لان الليمون هيشيل ريحة العرق طبيعي

بس طبعا هتحتاجي تحطي اسبراي للجسم عشان الريحة تبقي فله[ندعوك للتسجيل في المنتدى أو التعريف بنفسك لمعاينة هذا الرابط] بس لو هتخرجي طبعا ما تحطيش اسبراي والا هكسر عليكي قلة لانك هتمشي مفحفحة ريحة علي الرجالة الغرب وانتي عارفة حكم استعمالك للبرفانات والاسبريهات بره البيت ايه

او استعملي رول اون عادي بس اعمليه فوق الهدوم وابقي شوفي لما هتستعملي الرول اون فوق الهدوم لون الهدوم هيتغير ازاي واعرفي انتي حميتي جلدك من تغير لون قد ايه

ودايما البسي حاجة بنص كم قطنية تحت هدوم الخروج خاصة لو من خامات وفيبرات صناعي

وداومي علي الطريقة بتاعتي وادعي لي

من طرف **هيام هانم** الأربعاء نوفمبر 10, 2010 3:01 pm

وعلي فكرة هي تنفع للكوع والركبة بس دول كمان بيحتاجوا ترطيب يعني نعصر الليمون في زجاجة مع جلسرين نقي وندعك بيهم بدال الليمون لوحده
بس اوعي تعملي الطريقة ديه للمنطقة الحساسة انا مش مسئولة

ازاي تفتحي منطقة الابط بابسط طريقة مجربة طبعا وبالصور

ازاي تفتحي منطقة الابط بابسط طريقة مجربة طبعا وبالصور

رد: ازاي تفتحي منطقة الابط بابسط طريقة مجربة طبعا وبالصور