رول اللحمه المفرومه بالخضار بالتفصيل والصور

السلام عليكم ورحمة الله وبركاته

انهاردة عملت طبق جديد جدا ولذيذ قوى عجب الاولاد وابوهم واهم حاجة انه معمول باللحمة المفرومة لانى معرفش وجبات كتير تتعمل بيها

المقادير :

1- نصف كيلو لحمة مفرومة +معلقتين بقدونس مفروم +بيضة +بصلة +ملح+ فلفل+طماطماية مبشورة+معلقتين بقصمات وبخلط كله مع بعضه (زى الكفته بالظبط )
2- خضار سوتيه زى ماتحبى (انا استخدمت بسلة وذرة صفراء كله مسلوق وتبلتهم بملح وفلفل وزعتر ناشف)

[ندعوك للتسجيل في المنتدى أو التعريف بنفسك لمعاينة هذا الرابط]

3- نفرد شيت الومنيوم على صنية فرن وندهنه كويس بالزيت ونفرد عليه اللحمة المفرومة على شكل مستطيل

[ندعوك للتسجيل في المنتدى أو التعريف بنفسك لمعاينة هذا الرابط]

4- نحط الخضار السوتيه على اللحمة

[ندعوك للتسجيل في المنتدى أو التعريف بنفسك لمعاينة هذا الرابط]

5- نلف اللحمة على الخضار زى السويسرول بالظبط وبمساعدة ورق الالومنيوم

[ندعوك للتسجيل في المنتدى أو التعريف بنفسك لمعاينة هذا الرابط]

ودا الشكل النهائى بعد لف اللحمة ويتدهن كويس زيت او سمن

[ندعوك للتسجيل في المنتدى أو التعريف بنفسك لمعاينة هذا الرابط]

وبعد كده يتلف بالفويل ويتقفل كويس وانا عملت معاه خضار سوتيه بطريقة حبيبة قلبى ردينى وحطيت الاتنين فى الصينية وحطيت شوية مية معاهم ودخلتهم الفرن لمدة نصف ساعة

[ندعوك للتسجيل في المنتدى أو التعريف بنفسك لمعاينة هذا الرابط]

نطلع الصنية من الفرن ونفتح الورق الفويل للحمة وندهنها كاتشاب وكمان للخضار علشان يتحمر وشه

[ندعوك للتسجيل في المنتدى أو التعريف بنفسك لمعاينة هذا الرابط]

وندخله الفرن تانى لمدة ربع ساعة علشان يتحمر ونطلعه للتقديم وناخد بالنا رول اللحمة لازم يبقى بارد ساعة التقطيع علشان مايتفتفتش

[ندعوك للتسجيل في المنتدى أو التعريف بنفسك لمعاينة هذا الرابط]

وعملت معاه مكرونة اسباجتى وسلطة زبادى وده شكله فى التقديم
بجد تحفة وجديد وانشاء الله يعجكوا

الى تعجبها الوصفة ياريت ترد عليا وتقيم الموضوع