عجينة القطايف رووعة وبالخطوات المصورة

من طرف **ليالي** الخميس أبريل 28, 2011 8:06 pm

من غير رغي كتير حقدم لكم النهارده القطايف من اول العجينه لحد الحشوه لحد ما تاكلوها بالف هنا وشفا وندخل في المقادير على طول

1كوب لبن دافئ
1كوب دقيق
1 ملعقه خميره
1 ملعقه سكر
1 ملعقه فانيليا
1 ملعقه ملح
المقادير ده حتعمل لك 10 قطايف كبار ودايما ابتدىبكميات صغيرة لو على سبيل التجربه ولو عايزه كميه اكبر ضاعفي الكميات

الخطوات بقى

حنجيب كوبايه اللبن الدافيء ونحط عليها الخميره والسكر وتقلبيهم مع بعض

[ندعوك للتسجيل في المنتدى أو التعريف بنفسك لمعاينة هذا الرابط]

ونسيبها حوالي نص ساعه كده تدوب فيها وتخمر وبعدين نحط الفانيليا والملح وكوبايه الدقيق

لكن خدي بالك قوىىى [ندعوك للتسجيل في المنتدى أو التعريف بنفسك لمعاينة هذا الرابط]
السر هنا بقى في كميه الدقيق اللي
حتحطيها يعني ممكن تحطي الكوبايه تلاقي محتاجه تاني او طلعت العجينه تقيله
تخففيها بحبه مايه صغغنين خالص والمعيار هنا بقوام العجينه بحيث انها تكون
متماسكه زي البشاميل كده ومتكونش برضه سايله ...لييييييييييييييه؟!! [ندعوك للتسجيل في المنتدى أو التعريف بنفسك لمعاينة هذا الرابط]
علشان لو سايله منك وانتي بتسويها في
الطاسه حتفرش منك وبالتالي الحرف بتاعها حيكون رفيع ومش حتتطبق معاكي ولو
جامده حتنشف منك في الطاسه والحرف حيستوى زياده عن اللزوم ومش حيلزق معاكي
لما تطبقيه على بعضه وعموما ده صوره القوام المطلوب
[ندعوك للتسجيل في المنتدى أو التعريف بنفسك لمعاينة هذا الرابط]

وبعدين نغطيها ونسيب الخليط كله يخمر حوالي ساعة [ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

وبعد ساعه ناخد الخليط ونقلبه تقليبه خفيفه كده وطبعا حتلاقيه ريحته جناااااااااان

وعلى الطاسة التيفال [ندعوك للتسجيل في المنتدى أو التعريف بنفسك لمعاينة هذا الرابط]
تروحي ومتدهنيهاش حاجه خاااالص وعلى نار متوسطه حتاخدى بالمغرفه شويه من
الخليط وتحطيهم في الطاسه لحد ما تلاقي ظهر الفقاقيع على الحرف اعرفي انها
قربت تستوى خلاص وحتشيليها وممكن تلاقي الوسط معملش فقاقيع متخافيش عادي
المهم متخليهاش تغيب في النار علشان متتحرقش
ويستحسن تبتدى الاول بتسويه واحده قطايف بس كتجربه

[ندعوك للتسجيل في المنتدى أو التعريف بنفسك لمعاينة هذا الرابط]

وبعد ما تطلعيها تسيبيها شويه بس تعرق في بعضها علشان تكون سهله انك تثنيها

اما عن الحشو بقى فأنا حشيتها بالتمر وطلع في منتهى الجمال

اولا جبت طبق حطيت فيه جوزهند وشويه سكر وشويه قرفه وشويه زبيب(مش كتير علشان تعرفي تقفلي القطايف)

[ندعوك للتسجيل في المنتدى أو التعريف بنفسك لمعاينة هذا الرابط]

وجبت التمره وشلت منها البذره وشكلتها على هيئه الصوابع كده وحطيت شويه من خليط جوز الهند وقفلت عليها الحروف

[ندعوك للتسجيل في المنتدى أو التعريف بنفسك لمعاينة هذا الرابط]

وادي شكلهم بعد ما خلصتهم وخدوا بالكم ان العجينه لونها فاتح وزي الفل واتقفلت معايا ده غير ريحتها تحسي انك عايزه تاكليها حاف [ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

وتقليهم في الزيت
لكن يكون سخن علشان متشتربش منك زيت وتقلبيهم بسرعه لانها مش بتغيب خالص
في النار وتطلعيهم والف هنا وشفا وده صورتهم

[ندعوك للتسجيل في المنتدى أو التعريف بنفسك لمعاينة هذا الرابط]

وممكن كمان
تسويهم في الفرن انك تدهنيهم بالزيت او الزبده وتحطيهم تحت الشوايه
وتقلبيهم على الوش التاني برضه وتدهنيه وتسويه لكن انا لقيت ان القلي في
الزيت الصراحه اطعم