تنظيف الفراخ بالصور

[ندعوك للتسجيل في المنتدى أو التعريف بنفسك لمعاينة هذا الرابط]

اولا باعتذرعن الصور لانى حاسة انها ممكن تكون مش لطيفة قوى
بس علشان التوضيح بس
[ندعوك للتسجيل في المنتدى أو التعريف بنفسك لمعاينة هذا الرابط]
عرايس فتكات الحلوين اللى لسه فى سنة اولى مطبخ
طبعا كلنا فى اول الجواز بنحتاس فى تنظيف الطيور
او الدجاج بمعنى اصح
انا حبيت اقولكم على طريقتى فى التنظيف يمكن تفيد اى واحدة منكم
ونفس الطريقة مع كل الطيور

الاساسيات

ازالة الريش الزائد على الجلد الخارجى (حتى لو بالملقاط)
ازالة الدهون الزائدة والراس طبعا بجزء من الرقبة (مكان الذبح)
قطع الجزء الاول من الاجنحة (لانها مكان حقن الطيور بالهرمونات)
وقطع القطعة الخلفية للدجاجة (مكان الاخراج)
انا فى الغالب باشيل الجلد كله لانه مضر طبعا وكده كده مش بيتاكل باسيبه بس لما اكون هاحشيها

تعالوا مع بعض نشوف الصور
يععععععععععع

ده شكل الرقبة قبل التنظيف
فى حاجات كتير بتبقى حول الرقبة
لازم تتشال كلها لغاية ما يبقى فاضية خالص
وخدى بالك ان الجزء اللى بيبقى فيه الاكل (الحوصالة) بتبقى لازقة جدا فى جلد الرقبة
لازم تشيليها (دققى كويس هتلاقيها)

[ندعوك للتسجيل في المنتدى أو التعريف بنفسك لمعاينة هذا الرابط]
وده بعد (ممكن تشيلى كل الدهون)
بس انا باسيب جزء علشان الشوربة تبقى حلوة
[ندعوك للتسجيل في المنتدى أو التعريف بنفسك لمعاينة هذا الرابط]
وده باطن الدجاجة من جوه(بعد التنظيف)
لازم تفضيه خالص فى حاجة كده بتبقى بين عظم الفخد
شبه الكبدة ...برضه لازم تتشال
[ندعوك للتسجيل في المنتدى أو التعريف بنفسك لمعاينة هذا الرابط]
وزى ما انتوا شايفين الدجاجة نظيفة
وعند الرقبة مفتوحة ومنورة ..يعنى مفيش اى حاجة فى الطريق
على فكرة
انا شيلت الدهون دى بس بعد التصوير وانا باغسلها
[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]
معلومة مهمة جدا
خدى بالك بين لحم الفخد والجلد هتلاقي حاجة كده بتزحلق (دى صورتها)
معلش الصورة صعبة ..بس الاصعب اننا ناكل القرف ده
[ندعوك للتسجيل في المنتدى أو التعريف بنفسك لمعاينة هذا الرابط]

دى صورة القوانص قبل التنظيف(يععععععععع)
[ندعوك للتسجيل في المنتدى أو التعريف بنفسك لمعاينة هذا الرابط]
ودى بقى بعد(خست النص يا عينى)
شيلى كل الدهون اللى عليها
وتقطعى الجزء اللى بيبقى محبب شوية ده
ولازم تكحتى باطن القوانص بالسكينة
زى ما تكونى بتنظفى السجق كده
شوفى ايه اللى هيطلع
[ندعوك للتسجيل في المنتدى أو التعريف بنفسك لمعاينة هذا الرابط]
وكمان القلب لازم تفتحيه من جوه وتشيلى كتل الدم اللى جواه
وتقطعى كمان الشرايين اللى طالعة منه
[ندعوك للتسجيل في المنتدى أو التعريف بنفسك لمعاينة هذا الرابط]
وفى الاخر بعد التنظيف
تنقعى الدجاجة فى ملح وخل
وبعدين فلفل اسود مجروش وليمون
هيقضوا على الريحة خالص
[ندعوك للتسجيل في المنتدى أو التعريف بنفسك لمعاينة هذا الرابط]
وكده بقت زى الفل
تقفلى الفخد وتتصفى وتشيليها
وبالف هنا
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]
ولو عايزة تقطعيها
تيجى عند العمود الفقرى من الظهر
وبداية من عند الرقبة وتنزلى بالسكينة
وبرضه من عند الرقبة تقطعى من النص
[ندعوك للتسجيل في المنتدى أو التعريف بنفسك لمعاينة هذا الرابط]
وتاخدى كل نص لوحده وتقسميه نصين (سهل جدا)
بس انا سبتها نصين بس
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]

اتمنى يكون الموضوع عجبكم