نصايح مهمة جدا لكل ست بيت

من طرف **هيومه** الإثنين فبراير 21, 2011 8:41 pm

نبتدى باكتر مكان بنقضى فيه وقت

المطبخ

لازم مطبخك يبقى دايما فلة شمعة منورة

واقولك سررررررررررر

ده هيحصل لو كل مرة خرجتى من المطبخ وكانك

مدخلتهوش

بمعنى....لو بتعملى اكل مثلا

خلصتى الخلاط.....اشطفيه

خلصتى الطبق والسكينة....اشطفى

وهكذا هتلاقى نفسك لما تخلصى الاكل

المطبخ زى الفل

ولما تيجى تغسلى مواعين الغدا او العشا

هتلاقى المطبخ يفتح النفس للغسيل

مش يغم النفس ههههههههه

رتبى الاطباق فى الحوض الكبير تحت

والصغير فوق علشان متتخضيش من المنظر

وخدى النصيحة دى

خلى دايماً جنبك الصفاية البلاستيك بتاعة الاطباق

حطى الاطباق المبلولة فيها

لان المطبقية اللى فوق بتتعب ايدك

وبتنزل الميه فى كمك يييييييييييييييح

ومش كويسة لاصحاب النظارات امثالى[ندعوك للتسجيل في المنتدى أو التعريف بنفسك لمعاينة هذا الرابط]

احم احم.....بلاقى النظارة كان الدنيا شتيت

الصابون السائل

انا اكتشفت سائل اسمه رويال

بجيبه من اى معرض لشركة بتروووول

4 لتر ب 10 جنيه بس

بيوفر وبيكفى كتييييييييييير[ندعوك للتسجيل في المنتدى أو التعريف بنفسك لمعاينة هذا الرابط]

ومتنسيش تزودى شويه ملح على السائل والميه

تتقله....وشويه خل يلمع الكوبايات والاستانلس

مسحوق الغسيل

انا بفضل بونكس اوتوماتيك

زى مابيقولوا

نضافة....ريحة...توفير

ال3 كيلو ب 30 جنيه

ونازل عليه عرض اليومين دول ال3 كيلو ب 24 جنيه

ومتنسيش تزودى ملح الليمون والبيكربونات

وتحطى خل لو بتغلى الابيض مكان الداونى

طبقى الغسيل قبل متحطيه فى الغسالة

وخاصة الملايات وادعيلى على الراحة اللى هتشوفيها

المنظفات
بالنسبة للمنظفات براحتك

بس بجد انا اكتشفت كنز اسمه جيف

تحفة للدهون حوالين البوتاجاز والفرن

والجدران واللذى منه من غير مجهود

العبوة كبيرة وب 9 جنيه بس وبتقعد كتييييير

رخام المطبخ
بالنسبة لتلميع رخام المطبخ

حطى شويه جنرال من بتاع القطنة مبتكدبش[ندعوك للتسجيل في المنتدى أو التعريف بنفسك لمعاينة هذا الرابط]

على شويه ميه

وحطى شويه زيت اكل

اه زيت اكل..... وامسحى وشوفى اللمعان

الاحواض الاستنلس

بالنسبة للحوض الاستانلس

عليكى وعلى ملح الليمون بيخليه بيبرق

الثلاجة
اغسليها زى ما انتى متعودة

بس ضيفى شويه خل لميه الشطف لازالة الروائح

وحطى دايما فى التلاجة فحمة

لان الكربون بيمتص الروائح

ولو تلاجتك لونها ابيض

بعد الغسيل حطى شويه بودرة تلج على قماشة ناشفة

وامسحى من بره وادعيلى

انا لسه عندى اسرار كتير

للحمام

للسجاد

للستاير والفرش

لتعطير البيت

لاستقبال الضيوف المفاجئة[ندعوك للتسجيل في المنتدى أو التعريف بنفسك لمعاينة هذا الرابط]

لو الموضوع عجبكم قولولى وانا انزل الباقى

ولا تنسونى من صالح دعائكم

[ندعوك للتسجيل في المنتدى أو التعريف بنفسك لمعاينة هذا الرابط]