تورتة الشيكولاتة بالجناش بالصور

من طرف **هيومه** الأحد فبراير 20, 2011 4:20 pm

السلام عليكم ورحمة الله وبركاته

من زمان خاطري أسوي كيكة..مثل الجاهز ..اللي في الكوفي شوب..

فشمرت عن ساعدي وبديت العمل..

يبت خلطة الكيك من بيتي كروكر,,( الشوكولاته بالحليب )

وخفقت كريمة مع شوية سكر..

وسويت صلصة الجناش ..
كوب كريمة +كوب شوكولاته مبشورة +2م ك سكر +2م ك زبدة..

تغلى الكريمة مع السكر ثم نضيف الشوكولاته والزبدة..
في البداية سيكون لون الصلصة باهت,,
ننتظر حتى تذوب الشوكولاته وتعطي اللون الكاكاوي..
والزبدة كفيلة بإعطاء اللمعة..

نترك الصلصة حتى تبرد تماماً..
وإذا كنت مستعجلة حطيها بالثلاجة..

وأترككم مع الصور..

الكيكة مخبوزة وباردة..

هذة الكريمة المخفوقة..

وهذة صلصة الجناش..

نقسم الكيكة لقسمين..

توضع الكيكة على سلك أو أي شي في فراغات عشان الصلصة الزيادة تنزل..
نضع طبقة من الكريمة في الوسط..ثم نغلف الكيكة بالكامل..

ثم تغلف بصلصة الجناش..

أول مرة سويتها الصلصة ما كانت متماسكة..فما قدرت أزينها..

وهذه لما سويتها مرة ثانية..الصلصة متماسكة أكثر..
زينتها بالبسكوت المطحون..والفراولة..طبعاً ممكن تزينيها بأي شي تحبينه..

وهذه قطعة من الكيكة الأولى..

والله طعمها لذيذ..وما له داعي نشتري من برا..في البيت أحسن